سافر حبيبه عن عيونه وخلاه
وسالن دموعه فوق الاوجان سالن
سافرحبيبه ما تهنا بجمعاه
مثل الحلوم اللي مع الصبح طارن
عزي لمنهو فاقد اليوم مضناه
وعزي لقلبٍ فيه الايام جارن
الحظ جاير والليالي تحداه
ورماح وقته في حناياه غارن
من شاف حاله ماتهنى بممساه
يَرثي لحاله كيف الافراح بارن
لا قالوا انسى جاوب القلب منساه
وشلون ابنسى من جروحه تداعن
والله منسى من فوادي تمناه
خل له ابياتي في هالكون ذاعن
هاك الحبيب اللي له النوم عفناه
لا شافت اعيوني جماله تعافن
ياناصحين القلب يكفيه ما جاه
لا تظهرون اجروح قلبٍ توارن
بخلق له اعذار كثيره وبلقاه
لا عاش منهو بالمحبه تهاون
الحب يااهل الحب عشنا وشفناه
ماهو لمنهو لا تعثر تيامن
نهوى شماله مع جنوبه ويمناه
ولا من تغرب صاحبه حيل آمن
ان الهوى مكتوب من يوم مبداه
وان القلوب البيض ما يوم خانن